FILIPINO: WIKA NG SALIKSIK

Agosto, ang buwan ng pagdiriwang ng Wikang Pambansa. Ito ay taunang ginagawa upang bibigyang pugay at halaga ang pagkakaroon ng iisang wikang nagbubuklod sa lahat ng mga Pilipino hindi lamang dito sa bansa ngunit maging saanmang sulok ng mundo. Bagama’t malakas ang hatak ng pagbabago sanhi ng napakabilis na modernisasyon, ang paggamit ng sariling wika ay lalong binigyang diin nang mapagtibay ang pagkakakilanlan ng ating lahi.

"Pinagtibay ng Kalupunan ng mga Komisyoner ng KWF ang Kapasiyahan Blg. 18-24 na nagpapahayag na ang tema ng Buwan ng Wika para sa taong 2018 ay "Filipino: Wika ng Saliksik."

"Ang tema ay kumikilala sa wikang Filipino bilang midyum sa paglikha sa pagpapalaganap ng pambansang karunungan at kaunlaran. Sa pamamagitan ng tema, layon ng KWF na palaganapin ang wikang Filipino sa iba't ibang larang ng karunungan, lalo na sa agham at matematika."

Ang mga layunin sa pagdiriwang ng “Buwan ng Wika” ngayong taon:
·Ang Ganap na Pagpapatupad ng Pampanguluhang Proklamasyon Bilang 1041 S. 1997. Ipinatupad ito ng dating Presidenteng si Fidel V. Ramos na nagpapahayag ng taunang pagdiriwang tuwing Agosto 1-31 bilang Buwan ng Wikang Pambansa.
·Upang hikayatin ang lahat ng ahensiya ng gobyerno at pribadong sector na maging bahagi ng mga programa na nagdaragdag ng kamalayan sa lipunan at sa sariling wika.
·Ipakita ang kahalagahan ng pambansang wika sa pamamagitan ng aktibong partisipasyon sa lahat ng mga aktibidad na may kaugnayan sa “Buwan ng Wika”

Hindi lingid sa ating kaalaman, ang dagliang pagbabago ng napakaraming bagay sa mundo, kaya napakalaking hamon ang pagsasagawa ng pananaliksik at ito ay isinusulong upang magkaroon ng matibay na basehan sa pagsagawa ng mga bagay-bagay, pagpapatupad ng layunin at paghusga ng isang pangyayari.

Ang paggamit ng sariling wika bilang mga Pilipino ay higit na nakabubuti sa pagpapaunlad ng ating kaalaman sa pamamagitan ng pananaliksik. Ang paghahatid ng detalye at kaisipang bunga nito ay magiging kapaki-pakinabang kapag ito ay nailahad sa wikang Filipino.

REFERENCES:

http://www.davaocatholicherald.com/2018/07/ang-filipino-wika-ng-saliksik/

https://www.thesummitexpress.com/2018/07/buwan-ng-wika-2018-theme-official-memo-poster-sample-slogan.html

https://www.google.com.ph/url?sa=i&source=images&cd=&cad=rja&uact=8&ved=2ahUKEwjoy7bP5NjcAhXCx7wKHU2cDLEQjRx6BAgBEAU&url=https%3A%2F%2Fwww.affordablecebu.com%2Fbuwan-ng-wika-theme-tema&psig=AOvVaw2t-Mn47UhHbHL6LUgtuooZ&ust=1533657249383045